Yr Ymchwiliad Annibynnol i Gam-drin Plant yn Rhywiol - Gwybodaeth Allweddol

Ymchwiliadau

Mae ein rhaglen o wrandawiadau cyhoeddus bellach wedi'i chwblhau. Mae pob un o'n 15 ymchwiliad yn gorffen ag adroddiad yn nodi casgliadau'r Ymchwiliad ar fethiannau sefydliadol ac yn nodi argymhellion ymarferol ar gyfer newid.

Rydym wedi cyhoeddi 19 adroddiad ymchwiliad (yn Saesneg).

Clywyd tystiolaeth gan neu ar ran sefydliadau, cyrff ac unigolion Cymru trwy gydol holl wrandawiadau ein hymchwiliadau, gan gynnwys:

Mae adroddiad archwilio'r Ymchwiliad i'r Eglwys Anglicanaidd yn cynnwys adran sy'n trafod yr Eglwys Anglicanaidd yng Nghymru yn benodol (yn Saesneg).
Clywodd archwiliad yr Ymchwiliad i Ysgolion Preswyl (yn Saesneg) gan gynrychiolwyr a oedd yn cynnwys Llywodraeth Cymru ac Arolygiaeth Gofal Cymru.
Ymhlith yr astudiaethau achos yn yr archwiliad Atebolrwydd a Gwneud Iawn, fe wnaethom archwilio profiadau dioddefwyr a goroeswyr cam-drin rhywiol mewn cartrefi gofal yng Ngogledd Cymru (yn Saesneg).
Roedd yr archwiliad Amddiffyn Plant mewn Sefydliadau a Lleoliadau Crefyddol (yn Saesneg) yn ymchwiliad thematig i'r polisïau, arferion a gweithdrefnau amddiffyn plant cyfredol mewn sefydliadau crefyddol sydd â phresenoldeb sylweddol yng Nghymru a Lloegr. Cyhoeddir adroddiad archwilio yn haf 2021.

Canfyddwch ragor am ein harchwiliadau - gan gynnwys cwmpas, tystiolaeth a thrawsgrifiadau gwrandawiadau. (Mae recordiadau fideo o bob sesiwn gwrandawiad agored ar gael o dan y tab ‘gwrandawiadau’ ym mhob tudalen archwilio. Maen nhw hefyd ar gael trwy ein Sianel YouTube)

Archwiliadau'r ymchwiliad (yn Saesneg)

Argymhellion

Mae ein Cadeirydd a'n Panel yn gwneud argymhellion a gyhoeddir fel rhan o'r casgliadau ym mhob un o adroddiadau archwilio ein Hymchwiliad. Mae'r Ymchwiliad yn monitro ymatebion sefydliadol i'r argymhellion hyn trwy broses ffurfiol (yn Saesneg).

Isod, rydym wedi darparu manylion yr argymhellion sy'n ymwneud yn benodol â Chymru:

Adroddiad Dros Dro

Argymhelliad 11 (Polisi hebrwng cenedlaethol ar gyfer gwasanaethau gofal iechyd: Cymru) - ar 6 Ionawr 2020, cyhoeddodd Llywodraeth Cymru ganllawiau ar gyfer byrddau ac ymddiriedolaethau iechyd mewn perthynas ag arfer gwaith da ar gyfer defnyddio hebryngwyr yn ystod archwiliadau neu weithdrefnau personol o fewn GIG Cymru.
Argymhelliad 18 (Gwariant cyhoeddus ar wasanaethau i ddioddefwyr a goroeswyr yng Nghymru) - ar 10 Rhagfyr 2018, ysgrifennodd Llywodraeth Cymru i hysbysu'r Ymchwiliad bod yr argymhelliad wedi'i dderbyn yn llawn.

Yr Eglwys Anglicanaidd

Argymhelliad 3 (Yn dilyn cyngor diogelu gweithredol yn yr Eglwys yng Nghymru) - ar 6 Ebrill 2021, cyhoeddodd yr Eglwys yng Nghymru ei hymateb.
Argymhelliad 4 (Cadw Cofnodion yn yr Eglwys yng Nghymru) - ar 6 Ebrill 2021, cyhoeddodd yr Eglwys yng Nghymru ei hymateb.
Argymhelliad 5 (Rhannu gwybodaeth rhwng Eglwys Loegr a'r Eglwys yng Nghymru) - ar 6 Ebrill 2021, cyhoeddodd yr Eglwys yng Nghymru ei hymateb.
Argymhelliad 6 (Rhannu gwybodaeth rhwng Eglwys Loegr, yr Eglwys yng Nghymru a phartneriaid statudol) - ar 6 Ebrill 2021, cyhoeddodd yr Eglwys yng Nghymru ei hymateb.
Argymhelliad 7 (Cymorth i ddioddefwyr a goroeswyr) - ar 6 Ebrill 2021, cyhoeddodd yr Eglwys yng Nghymru ei hymateb.
Argymhelliad 8 (Archwilio allanol o bolisïau a gweithdrefnau diogelu yn yr Eglwys yng Nghymru ac Eglwys Loegr) - ar 6 Ebrill 2021, cyhoeddodd yr Eglwys yng Nghymru ei hymateb.

Argymhellion ac ymatebion (yn Saesneg)

Gwrandawiadau cyhoeddus

Mae'r gwrandawiadau cyhoeddus i'n 15 archwiliad bellach wedi dod i ben. Clywodd yr Ymchwiliad dystiolaeth gan 648 o dystion yn bersonol. O'r rheini, fe wnaeth 94 o dystion roi tystiolaeth fel dioddefwyr a goroeswyr. Cynhaliodd 323 diwrnod o wrandawiadau cyhoeddus. Yn ystod y gwrandawiadau, datgelwyd 24,565 o ddogfennau â chyfanswm o dros 590,000 o dudalennau.

323 diwrnod
o wrandawiadau wedi'u cwblhau
648 tyst
gan gynnwys 94 o ddioddefwyr a goroeswyr
24,565 Datgelwyd o ddogfennau
yn cynnwys 590,000 o dudalennau unigol o dystiolaeth

Adroddiad Dros Dro

Yn 2018, fe wnaeth yr Ymchwiliad ryddhau ei Adroddiad Dros Dro, a oedd yn cynnwys argymhellion i'r Senedd.

Darllen yr adroddiad (yn Saesneg)

Adroddiad Terfynol

Ar 20 Hydref 2022, cyhoeddodd yr Ymchwiliad Annibynnol i Gam-drin Plant yn Rhywiol ei adroddiad statudol terfynol.

Yr Adroddiad

Dolenni defnyddiol

Ein Cylch Gorchwyl - sy'n nodi pwrpas a chwmpas yr Ymchwiliad
Cyhoeddiadau (yn Saesneg) - pob un o gyhoeddiadau ein Hymchwiliad mewn un lle
Ystadegau Chwarterol (yn Saesneg) - gan ddarparu'r wybodaeth ddiweddaraf am ein prosiectau craidd - y Prosiect Gwirionedd, ymchwiliadau a gwrandawiadau cyhoeddus, ac ymchwil
Ffrwd Newyddion IICSA (yn Saesneg)
Canolfan y Cyfryngau (yn Saesneg) - pecynnau cyfryngau o'n gwrandawiadau cyhoeddus, cyflwynir sesiynau yn Iaith Arwyddion Prydain ac yn bennaf gan bobl Fyddar