Yr Ymchwiliad Annibynnol i Gam-drin Plant yn Rhywiol - Gwybodaeth Allweddol
Y Prosiect Gwirionedd
Mae ein Prosiect Gwirionedd yn cynnig cyfle i ddioddefwyr a goroeswyr rannu eu profiad a chael eu clywed a'u cydnabod yn barchus. Trwy wneud hynny, byddant yn ein helpu i ddeall effaith cam-drin yn y tymor hir yn well. Bydd eu cyfraniad yn ein helpu i wneud argymhellion ynghylch anghenion cymorth, yn ogystal â herio ein rhagdybiaethau o gam-drin plant yn rhywiol.
Hyd yn hyn, mae dros 300 o bobl wedi rhannu eu profiad gyda'r Prosiect Gwirionedd yng Nghymru.
Gallwch barhau i rannu'ch profiad yn ysgrifenedig tan fis Hydref 2021 pan ddaw'r Prosiect Gwirionedd i ben (yn Saesneg).
Profiadau a Rannwyd
Dyma rai o'r profiadau o gamdriniaeth rywiol yn ystod plentyndod a rannwyd â'r Prosiect Gwirionedd. Mae'r holl enwau a'r manylion adnabod wedi'u newid.
Rhannu'ch profiad yn ysgrifenedig
Os hoffech chi rannu'ch profiad yn ysgrifenedig, nid oes angen i chi wneud apwyntiad. Chi sy'n penderfynu pryd a sut rydych chi am ysgrifennu am yr hyn a ddigwyddodd i chi.
Dangosfwrdd y Prosiect Gwirionedd
Rydym hefyd yn cynhyrchu dangosfwrdd i'r Prosiect Gwirionedd ym mis Ionawr a mis Gorffennaf bob blwyddyn a fydd yn cynnwys profiadau'r rhai a gafodd eu cam-drin mewn teulu, sefydliad neu mewn cyd-destun arall.
Mae'r dangosfwrdd yn rhan o'n rhaglen ymchwil. Mae'n darparu gwybodaeth o'r Prosiect Gwirionedd am:
- dioddefwyr a goroeswyr cam-drin plant yn rhywiol
- natur y cam-drin a brofwyd ganddynt
- lle digwyddodd y cam-drin rhywiol a phwy oedd y troseddwyr
- effeithiau cam-drin plant yn rhywiol
- a ddywedodd y dioddefwyr a'r goroeswyr hynny wrth unrhyw un am y cam-drin.
Gallwch ganfod y dangosfwrdd diweddaraf o'r ddolen a ddarperir.
Dolenni defnyddiol
- Ein Cylch Gorchwyl - sy'n nodi pwrpas a chwmpas yr Ymchwiliad
-
Cyhoeddiadau (yn Saesneg) - pob un o gyhoeddiadau ein Hymchwiliad mewn un lle
-
Ystadegau Chwarterol (yn Saesneg) - gan ddarparu'r wybodaeth ddiweddaraf am ein prosiectau craidd - y Prosiect Gwirionedd, ymchwiliadau a gwrandawiadau cyhoeddus, ac ymchwil
-
Ffrwd Newyddion IICSA (yn Saesneg) - straeon newyddion cyfoes
-
Canolfan y Cyfryngau (yn Saesneg) - pecynnau cyfryngau o'n gwrandawiadau cyhoeddus, cyflwynir sesiynau yn Iaith Arwyddion Prydain ac yn bennaf gan bobl Fyddar
- Llyfrgell Adnoddau Ymgysylltu â Rhanddeiliaid (yn Saesneg) - i'ch helpu chi i godi ymwybyddiaeth o'r Prosiect Gwirionedd a gwaith ehangach yr Ymchwiliad
Cysylltu
Os ydych chi'n dymuno gofyn cwestiwn am yr Ymchwiliad neu os hoffech chi ddysgu rhagor am rannu'ch profiad, cysylltwch â ni. Gallwch gysylltu gan ddefnyddio unrhyw un o'r opsiynau isod, ond peidiwch â rhoi manylion unrhyw gam-drin ar hyn o bryd.
- Ffoniwch ni ar 0800 917 1000. Mae'r llinell ar agor 9am - 5pm yn ystod yr wythnos. Mae galwadau'n rhad ac am ddim ac nid ydynt yn dangos ar eich bil.
- E-bostiwch ni ar contact@iicsa.org.uk.
- Ysgrifennwch atom: Rhadbost YMCHWILIAD ANNIBYNNOL IICSA. Nid oes angen stamp arnoch chi.
Ffoniwch ni ar 0800 917 1000. Mae'r llinell ar agor 9am - 5pm yn ystod yr wythnos. Mae galwadau'n rhad ac am ddim ac nid ydynt yn dangos ar eich bil.
E-bostiwch ni ar contact@iicsa.org.uk.
Ysgrifennwch atom: Rhadbost YMCHWILIAD ANNIBYNNOL IICSA. Nid oes angen stamp arnoch chi.Ein nod yw ymateb i bob galwad, e-bost a llythyr o fewn 15 diwrnod gwaith; fodd bynnag, gallai gymryd mwy o amser i ymateb mewn cyfnodau prysurach.